Kreu i partisë LIBRA, Ben Blushi, me anë të një statusi në Facebook, është shprehur se situata politike, në të cilën vendi ndodhet aktualisht, është shumë e komplikuar. Sipas ish-deputetit të Partisë Socialiste, askush nuk po negocionon dhe se po mungon dëshira e gjetjes së një zgjidhjeje.
Statusi i plotë i Ben Blushit”
“Duke nisur nga kjo javë mund të kthehemi në një Republikë pa institucione. Mund të mos kemi Qeveri, mund të mos kemi Veting, mund të mos kemi President dhe mund të mos kemi Zgjedhje. Askush nuk po negocion dhe askush nuk do të negociojë. Shqipëria po shkon në rënie të lirë. Edhe vetë kriza po hyn në krizë”
