Kryetari i partisë LIBRA, Ben Blushi, pas seancës parlamentare për zgjedhjen e presidentit të Republikës dhe mos paraqitjen e emrit të një kandidature, ka ironizuar mosmarrëveshjen e PS-së me LSI-në dhe kokëfortësinë e PD-së.
“Zgjedhja e Presidentit është një vendim qesharak, mazhoranca ka 84 vota dhe nuk ka një emër kandidati.
PS- LSI po e shtyn zgjedhjen e presidentit për shkak të mosmarrëveshjes midis tyre.
Nga ana tjetër, është absurde të thuash që zgjedhja e presidentit nuk ka kohë, regjistrimi i koalicionit shtyhet se nuk ka dakortësi dhe zgjedhjet shtyhen se nuk ka opozitë”, tha Blushi për gazetarët.
