Shtëpia e Bardhë ka njoftuar se presidenti i SHBA-së, Donald J. Trump, pritet të takohet muajin e ardhshëm me udhëheqësit e Malit të Zi dhe vendeve të tjera të NATO-s, në Bruksel, për të mirëpritur anëtarin e 29-të Aleancës.
Në deklaratën e Shtëpisë së Bardhë thuhet se pranimi i Malit të Zi u dërgon një sinjal vendeve të tjera, që kërkojnë t’i bashkohen NATO-s, se “dera për anëtarësim në bashkësinë euro-atlantike mbetet e hapur dhe se vendet në Ballkanin Perëndimor janë të lirë të zgjedhin të ardhmen e tyre”, shkruan “Zëri i Amerikës”.
Muajin e kaluar, Senati amerikan ratifikoi me shumicë dërrmuese vendimin për pranimin e Malit të Zi në NATO.
