Prej kohësh në mediat e huaja qarkullojnë thashetheme për zënka mes Meghan Markle dhe të afërmve të Harryt.
Dukesha e Susex është akuzuar se për shkak të karakterit të vështirë, është konfliktuar me kushërirën Eugenia, por edhe me kunatën Kate Middleton.
Sipas mediave të huaja, këto përplasje kanë sjellë një ftohje të raportit mes vëllezërve Harry dhe William dhe si pasojë një largim nga pallati Kensington të djalit më të ri të Çarlit dhe Dianës.
E përditshmja britanike “The Sun”, shkruan që mes dukeshave ka patur një ‘grindje të dhunshme’, ndërsa Meghan ka qortuar stafin e Kate, një veprim që nuk është marrë aspak mirë nga ajo.
Rindërtimi i ngjarjes, megjithatë, sipas asaj që raporton “mirror’ është hedhur poshtë dhe përgënjeshtruar nga pallati ‘Buckingam’, që për herë të parë ka thyer heshtjen pas ngjarjeve.
“Kjo nuk ka ndodhur kurrë”, mësohet të jetë deklaruar.
