Interi pavarësisht se u mposht nga Sassuolo një natë më parë në “San Siro” ka akoma një shans për të marrë pjesë në Champions League. Këtë dhuratë zikaltërve ua ka bërë një nga legjendat e portës së Interit, Walter Zenga, i cili me Crotonen e tij ndali Lazion.
Për këtë mundësi të dytë nuk kanë munguar edhe falënderimet nga kampi zikaltër, është pikërisht mesfushori kroat Marcelo Brozoviç që e bën këtë. Në rrjetin social Instagram ai ka publikuar një foto të Zengës kur ishte pjesë e Interit dhe shkruan: “Bravo njeriu merimangë. Ti je vërtetë epik. Tani na përket neve, duam Championsin”.
Lazio ka aktualisht 3 pikë më tepër se Interi në tabelën e klasifikimit, por të dy skuadrat do të përballën mbrëmjen e 20 Majit, në javën e fundit ët Serisë A dhe një fitore e zikaltërve, do të dërgonte ata në Champions.
