Serie A në fundin e kampionatit ka qenë shumë e kontestuar në radhën e arbitrimit, pasi ata vendosën shumë në rezultatet e ndeshjeve. Si pasojë e gabimeve Crotone është sot në Serie B edhe pse është përdorur VAR në atë moment. Arbitri i njohur italian, Paolo Tagliavento ka qenë në qendër të akuzave bashkë me Orsaton, ky i fundit për “kasaphanën” në ndeshjen Inter-Juventus.
Tagliavento dha një intervistë për mediat në vendin e tij, ku kujtoi momentet më të rëndësishme të karrierës së tij. Ai pranoi se gabimi më i madh në gjykim, ishte goli i anuluar i Muntarit, por tha se po të ishte aplikuar VAR-i, do ta kishte korrigjuar në moment vendimin. Gjithsesi, Walter Zenga, ish trajner i Crotones ka reaguar dhe i ka kujtuar një tjetër gafë Tagliaventos, që është edhe më e freskët dhe për më tepër, pas konsultimit me VAR-in.
“Ende vijoj të kem bindjen se nga Seria A na rrëzoi Tagliavento. Ai gol i anuluar ndaj Cagliarit, në sekondat e fundit, na hoqi dy pikë, që do të na mjaftonin për të qëndruar në Serinë A. Tagliavento flet për golin e Muntarit, por ndaj nesh gaboi edhe pasi rishikoi aksionin në VAR”, deklaroi Zenga.
Më poshtë është videoja e golit të anuluar nga Tagliavento, në ndeshjen Crotone-Cagliari:
