Deputeti i Partisë Demokratike Gent Strazimiri dhe kryebashkiaku i Kamzës Xhelal Mziu janë përplasur fizikisht sot gjatë mbledhjes së deputetëve dhe kryetarëve të degëve të PD në Tiranë.
Takimi organizativ u mbajt për protestën që do të zhvillohet në akset kryesore të vendit ditën e enjte. Gjithashtu në mbledhje është folur edhe për pjesëmarrjen e protestuesve në këto ditë përpara Drejtorisë së Përgjithshme të Policisë në Tiranë.
Me sa duket ky është shkaku i përplasjes mes Strazimirit dhe Mziut ka qenë pjesëmarrja e ulët e qytetarëve të Kamzës në këto organizime. Strazimiri ka dhënë udhëzime për mënyrën se si do të ndahen protestuesit në Vorë dhe Kamës.
Mziu ka shprehur pakënaqësi për shumë nga qëndrimet e mbajtura nga Strazimiri në mbledhje dhe ka debatuar ashpër me këtë të fundit, duke arritur deri në përplasje fizike. Përplasja mes deputetit demokrat dhe kryebashkiakut të Kamzës ka vijuar edhe jashtë selisë së PD, ndërkohë që kanë qenë deputetët dhe kryetarët e degëve të PD ata që kanë bërë të mundur shuarjen e konfliktit.
PD ka vendosur që ditën e enjte të kaloj në masën e ekstreme të mosbindjes civile duke bllokuar disa nga akset kryesore të vendit.
