Si rrallë herë tre këngëtar shqiptarë do të përformojnë në finalen e madhe të “Eurovizion”-it. Edhe pse të tre do të përfaqësojnë shtete të ndryshme, ajo që ka më shumë rëndësi është fakti që ata kanë bërë krenar çdo shqiptar.
Finalja e madhe do të mbahet të shtunën më 12 maj në Lisbonë të Portugalisë dhe në faqen zyrtare të “Eurovizion”-it ka dalë lista e radhës që do të kenë konkurrentët mbrëmjen e nesërme.
Eugent Bushpepa do të këndojë “Mall” dhe do të jetë i 12 në radhë, ndërkohë që Eleni do të performoi e 25-ta dhe i fundit në radhë do të jetë Ermali, i cili do të përformojë i 26-i, e që do të mbyllë garën.
Sigurish që këtë vit, shanset që ta fitojë një shqiptar “Eurovizion”-in janë më të mëdha dhe ne urojmë që të jetë njëri nga tre këngëtarët fitues. Edhe pse Shqipëria nuk do të jetë fituese e drejtpërdrejtë, shqiptarët do të ndihen fitues.
