Ndeshja e kthimit në gjysmëfinalen e Champions League padyshim do të jetë një luftë e vërtetë. Pasi Bayerni u mposht në ‘Allianz Arena” nga Real Madrid me rezultatin 2-1 do të kërkojë të bëjë të pamundurën për të arritur finalen e Kievit.
Njeriu që do të vendosë drejtësinë në këtë supersfidë do të jetë turku Cüneyt Çakir, 41 vjeç, e cila do të luhet të martën në mbrëmje, në “Bernabeu”. Interesant është fakti se ky gjyqtar do ta drejtojë për herë të tretë në këtë sezon skuadrën e Zinedine Zidane.
E para ishte në “Wembley”, kundër Tottenham (3-1), pastaj në stadiumin e Juventusit (0-3). Në Torino, pa shkuar më tej, ai pati një arbitrim të shkëlqyer dhe tregoi pse është një nga favoritët që të vërshëllejë edhe finalen e Kupës së Botës në Rusi.
Çakir është më i forti në nivelin e suksesit dhe atë disiplinor. Në tri, apo katër vitet e fundit, turku është në nivel të lartë dhe e kemi parë atë në një finale të Champions-it (viti 2015, ndërmjet Barçës dhe Juventusit).
Ai është një arbitër, i cili përdoret për të udhëhequr ndeshjet në mjedise shumë të pafavorshme. Çakir do të gjykojë ndeshjen e dhjetë të Real Madridit, i cili ka humbur vetëm dy herë me arbitër turk: ndeshja e lartpërmendur në Londër dhe gjysmëfinalja e kthimit, vitin e kaluar, kundër Atletico Madrid (2-1). “Los Blancos” kanë fituar gjashtë herë me këtë arbitër, përveç lojës së lartpërmendur, kundër Juventusit.
