Është vendosur arbitri që do të vendosi drejtësinë në finalen e parakohshme të Champions League mes Bayer Munich dhe Real Madrid. Ai do të jetë holandezi, Bjorn Kuipers. Një emri njohur për të dyja ekipet dhe që me të në fushë kanë arritur fitore të mëdha. Madrilenët do ta mbajnë mend si arbitri që u bëri të mundur “La Decima”, pasi ishte në fushë në finalen e Lisbonë ku Reali mposhti Atleticon.
Holandezi 45-vjeçar drejtoi “blankos” për herë të fundit në fitoren e fazës së grupit të këtij sezoni në shtëpi, ndaj Borussia Dortmund 1-3. Më parë, Bjorn Kuipers ka qenë në fushë dhe në humbjen e Real Madridit kundër Dortmundit (4-1), në ndeshjen e parë gjysmëfinale të sezonit 2012-2013 dhe barazimin kundër CSKA Moskës (1-1), në ndeshjen e parë të “nokaut”-it, sezoni 2011-2012. Në total, “Los Blancos” kanë një bilanc të tillë me gjyqtarin holandez: 2 fitore, 1 barazim dhe 1 humbje.
Shumë tifozë e mbajnë ende mend sesi Kuipers përjashtoi Zllatan Ibrahimovic në Ligën e Kampioneve, i rrethuar nga protestat e plot 9 futbollistëve të Chelseas. Ndërkohë holandezi ka gjykuar 3 herë Bajernin e Mynihut në Europë. Fillimisht ndaj Napolit e më pas ndaj Mancester Sitit dhe Benfikës, me bilancin 2 suksese të bavarezëve.
Një arbitër ndërkombëtar që prej vitit 2006 dhe i përzgjedhur tashmë për të qenë mes bilbilave të FIFA-s për Kupën e ardhshme të botës këtë verë, Kuipers shihet si një gjyqtar i influencueshëm.
