Dy persona janë arrestuar në flagrancë, në Shkodër, pasi akuzohen për veprën penale “Kultivim i bimëve narkotike në bashkëpunim”. Kështu, në ambientet e banesës së Paulin Kolës është gjetur një mini-serë me bimë narkotike, ku u sekuestruan, në cilesinë e provës materiale, 87 kubikë të kultivuara në gota plastike dhe kuti polesteroli.
Në pranga ka rënë shtetasi Paulin Kola, 35 vjeç, banues në Rrenc dhe Zef Kola, 59 vjeç, banues në Rrenc.
Gjithashtu, katër persona po procedohen në gjendje të lirë për veprën penale “Moskallzim krimi”.
Këta të fundit janë shtetasit:
- Pjerin Marku, 28 vjeç, banues në Shkodër, me detyrë Administrator i Njësisë Administrative Gur i zi, Bashkia Shkodër
- Kolë Marku, 52 vjeç, banues në Shkodër, me detyrë Kryeplak i fshatit Rrenc, Njesia Administrative Gur i zi.
- Rexhina Kola, 58 vjeçe, banuese në Rrenc, Njësia Administrative Guri Zi, Shkodër.
- Marian Kola, 30 vjeç, banues në Rrenc, Njësia Administrative Guri Zi, Shkodër.
