Sapo përmendet emri i Nënë Terezës të gjithë në mënyrë automatike ndihemi krenarë dhe themi me plot gojën që ishte shqiptare.
Çdokush mund të flasë për “Nënë Terezën”, aq më shumë tani që u shenjtërua dhe u bë “Shën Tereza”.
Në media janë transmetuar shumë video dhe pasazhe nga jeta e saj, por ka akoma shumë për të zbuluar rreth saj.
Pedagogu shqiptar, Ardian Ndreca i cili punon në “Universitetin Urbaniana” të Romës, ka publikuar një letër të pa publikuar më parë në media, ku Nënë Tereza i shkruan ‘Atit’ rreth jetës së saj në Kalkuta të Indisë.
Letra është shkruar më 1mars 1960 dhe i drejtohet ‘Atit’. Nënë Tereza përshkruan se është një shqiptare dhe se që fëmijë, në moshën 9 vjeçare kishte dëshirë që të bëhej një misionare e Zotit.
Ajo përshkruan si iu bashkua institutit “Maria e virgjër dhe e bekuar”, rrugëtimin për në Indi dhe gjithashtu si po ecte puna e saj si misionare në Kalkuta.
Ajo që bie në sy në këtë letër është shkrimi i bukur i “Nënë Terezës dhe fjalët plot dashuri të një misionareje të zotit e cila shkruan nga rrethinat më varfra të Kalkutës .
Meqenëse të gjithë krenohemi për veprat e kësaj shenjtoreje shqiptare, do na bënte shumë mirë si komb nëse do ndiqnim sadopak mesazhet që ajo la pas për shqiptarët dhe njerëzimin. TIRANA TODAY
