I quajturi ‘ekstremisti grek’ shtetasi Kostandinos Kaçifas ka mbetur i vrarë gjatë ditës së sotme gjatë një shkëmbimi zjarri me Forcat RENEA.
35-vjeçari nuk iu bind urdhrit për tu dorëzuar dhe u kundërpërgjigj ndaj efektivëve duke shtirë me armë zjarri.
Kostandinos Kaçifas ishte shumë aktiv në rrjetin social “Facebook”. Ai kishte publikuar plot mesazhe ku bën thirrje për rezistencë të grekëve në jug të Shqipërisë, të cilët i quan “vorio-epiriotë”.
Ai në Facebook-un e tij ka publikuar gjithmonë foto dhe video ku bën thirrje për luftë për të pushtuar “Vorio Epirin”
Një nga fotot e publikuara që bie në sy është dhe ajo ku duket harta e Greqisë e cila ka zaptuar dhe jugun e Shqipërisë.
Vetëm dy ditë më parë Kaçifas ka publikuar një video ku shfaqen fëmijë të shkollës së Dervizani. Kaçifas e shoqëron videon më shkrimin se duhet bërë diçka për fëmijët grekë të skllavëruar në “Epirin të Veriut”.
https://tiranatoday.com/grek-kishte-paralajmeruar-dy-dite-me-pare-ne-gjirokaster/
