Rivali, përballë kandidatit të Partisë Socialiste, Klodian Shehi, do të jetë kandidati i pavarur, Astrit Haka.
Lajmin e kanditaturës për zgjedhjet e 7 Majit, në qytetin e Kavajës, e ka bërë publik, paraditen e sotme, “BalkanWeb”.
Sipas burimeve nga KQZ-ja, pohohet se në garë ka tentuar të hyjë një tjetër kandidat i pavarur, por për shkak të parregullsisë së dokumentacionit të paraqitur nuk është regjistruar.
Sakaq, mësohet se në zgjedhjet vendore në Kavajë, do të garojnë gjithsej 5 parti politike.
Partia Demokratike, si edhe aleatët e saj, e kanë bërë tashmë publik vendimin për të mos marrë pjesë në këtë proces elektoral. Të njëjtin qëndrim ka shprehur edhe Lëvizja Socialiste për Integrim.
