Presidenti serb Aleksandar Vuçiç ka përgatitur një dhuratë të veçantë për homologun e tij rus Vladimir Putin, tha një burim në administratën e Vuçiçit për gazetën Blic. Gjatë vizitës së Putinit në Beograd të enjten, kreu serb do të prezantojë Putinin me një qenush të racës Illyrian Sarplaninac (sipas serbëve Bariu Jugosllav por që nuk është as më pak dhe as më shumë një qen Sharri, me origjinë të vjetër shqiptare).
“Qenushi ka një origjinë mbresëlënëse prej shtatë brezash. Kjo është raca jonë më e vjetër e qenve, dhe dihet se Presidenti Putin ka simpati për këtë racë qeni, “tha burimi për gazetën. Kjo do të jetë hera e parë që Vuçiç paraqet liderin rus me një qen.
Sarplaninac ose Dog Shepherd Jugosllav është një race qeni, që përdoret për të mbrojtur kopetë e deleve në male dhe si qen roje. Sipas legjendës, luftëtarët e Aleksandrit të Madh kishin importuar paraardhësit e këtyre qenve, mastiffs tibetian, gjatë fushatave të tij ushtarake lindore. Por për presidentin rus Vladimir Putin, kjo nuk do të jetë hera e parë që do të marrë një dhuratë të tillë. Ai ka marrë dhuratë të ngjashme edhe nga krerët e shteteve të Turkmenistanit, Bullgarisë, Japonisë dhe Kirgistanit.
