Një vit më parë u vra gazetarja investigative malteze, Daphne Caruana Galizia, të cilës i kishin vendosur një bombë në makinë. Dyshohet se vrasja ndodhi pas një sërë artikujsh anti korrupsion që gazetarja shkruante në blogun e saj, ku implikoheshin zyrtarë të lartë maltezë në skandalin e “Panama Papers”.
Motivi se pse ndodhi kjo vrasje mbetet i paidentifikuar, po sipas “The Times”, organizatorët e krimit kishin shumë arsye për ta vrarë gazetaren.
Hetuesit të cilët po merren me zbardhjen e këtij rasti, kanë identifikuar një grup prej të paktën tre shtetasish maltezë, të cilët kanë pranuar faktin që janë marrë me vrasjen e gazetares.
Emrat e tyre ende nuk janë zbardhur, po hetuesit pranojnë se informacionet rreth ngjarjes janë shumë të avancuara, dhe po i afrojnë drejt së vërtetës.
