Zbulimi është bërë në mënyrë spektakolare, duket si një film spiunazhi, por në të vërtetë bëhet fjalë vetëm për merkato futbolli. “Il Tempo” ka publikuar një letër të cilën Fabio Paratici, drejtori sportiv i Juventusit e ka harruar në tavolinën e një restoranti. Një letër ku ishin të shënuar objektivat e Juventusit në merkato. Në të lexohen emrat e Zaniolo, Milinkovic-Savic, Chiesa, Romero, Tonali e jo vetëm. E gjitha kjo me shifra të sakta, të shtuara në krah të çdo emri.
Fleta në fakt duket shumë interesante, duke qenë se në listën Juventus janë Zaniolo i Roma (vlerësuar 40 milionë euro), Chiesa (50 milionë), Romero i Genoas (20 milionë) e talenti i Brescia Tonali (20 milionë). Lojtarë të rëndësishëm, të cilëve i shtohen të rinj të perspektivës si Szoboszlai e Zennaro: i pari është një mesfushor hungarez datëlindja 2000 i Salsburg e, për të, Paratici mendon për një huazim me të drejtën e blerjes për 10 milionë; tjetri, po 18 vjeç është mesfushor ofensiv i Venezia që vlerësohet 3 milionë.
Objektivi i madh është Milinkovic-Savic, shkruar poshtë emrit të Pjanic: vetëm se në fletë është shkruar Savic e mund të flitet edhe për mbrojtësin e Atletico Madrid, por pozicionimi me Pjanic të lë të kuptosh se është serbi i Lazios. Natyrisht duhet vërtetuar se nuk ka asnjë të dhënë që fleta është përpiluar nga Drejtori Sportiv i Juventus.
