Futbollisti serb ka qenë mjaft i lidhur me një largim nga Lazio, por pas kthimit në stërvitje ai ka hedhur poshtë mundësinë e largimit duke deklaruar se do të qëndrojë. Sergej Milinkoviç-Saviç pritej që të kthehej në skuadër një ditë më parë, por e ka shtyrë me një ditë dhe sot është parë në Clinica Paideia për vizitat mjekësore.
Agjenti i lojtarit Mateja Kezman insistoi se kjo kishte ndodhur pasi kishin humbur avionin në Beogradi, sipas Football Italia. Kur u pyetën nga tifozët nëse do të qëndronte me Biancocelestin, Milinkoviq-Savic u përgjigj: “Sigurisht që do qëndroj, a nuk e shihni se unë jam këtu?”
Trajneri i Lazios, Simone Inzaghi, ka deklaruar më parë me besim të plotë se ylli 10 milionësh do të mbetet në klub pavarësisht joshjes që i ka bërë Juventusi me Ligën e Kampionëve. Ndërsa të interesuar për të janë edhe Real Madrid, Manchester United dhe Chelsea, të gjithë thuhet se janë të gatshëm që të plotësojnë kërkesën e Lazios.
Milinkoviç-Saviç u bashkua me Lazion nga Genk në vitin 2015 dhe që atëherë ka bërë 122 paraqitje për klubin, duke shënuar 25 gola. Ai gjithashtu u paraqit në tre nga ndeshjet e Kupës së Botës me Serbinë, që nuk arriti të kalonte përtej fazës së grupeve në Rusi.
