‘Alieni’ zbret në fushë, dy golat e Messit çmendin rrjetin (Video)

Lionel Messi është rikthyer në ‘Camp Nou’ për të treguar vlerat e një jashtëtokësori që i zotëron. Ylli argjentinas ishte fantastik në debin përballë Espanyol, ku realizoi dy gola nga goditje dënimi, duke u shndërruar në makth për portierin Diego Lopez.

31-vjeçari hapi dhe mbylli serinë e golave për “blaugranat”, ndërsa mes finalizimeve të tij e dërguan topin në rrjetë Dembele e Luiz Suarez. Më këtë dygolësh Messi shkon në kuotën e 11 golave në total, aq sa ka dhe Stuani i Gironas, por Messi është në krye pasi ka dhënë më shumë asiste.

Barcelona kryeson La Ligan me 31 pikë, duke përfituar nga barazimi 1-1 i Valencias me Sevillan, me ekipin andaluzian që mbetet 3 pikë pas. Në takimin tjetër të kampionatit spanjoll, Celta Vigo triumfoi 2-3 në fushën e Villarealit.