Marrëveshja midis dy partive të mëdha PS-PD për zgjedhjet parlamentare dhe vendimit që nuk lejuan koalicionet partiake, ka bërë që LSI të nxjerrë kandidat më vete për Bashkinë e Kavajës.
Burime konfidenciale nga LSI, kanë bërë me dije për Tirana Today se Maksim Kona është regjistruar në KQZ dhe do ta garojë në siglën e LSI në zgjedhjet e 25 qershorit.
Kjo është kandidatura e dytë zyrtare, pasi PS ka vendosur si kandidat për kryetar bashkie në Kavajë, Klodian Shehin.
Ndërkohë që PD, është në pritje të nxjerrjes së një kandidati në Kavajë dhe ashtu siç është konfirmuar emri do të bëhet publik gjatë ditës së nesërme.
Jetëshkrimi
Maksim Kona ka lindur me 28 prill 1958 në qytetin e Kavajës. Në vitin 1989 ka përfunduar Fakultetin e Inxhinierisë së Ndërtimit në Tiranë dhe më pas ka kryer studime dhe specialime në Itali. Kona mban gradën Doktor Shkencash në Inxhinieri. Në karrierën e tij, Kona ka është realizuar i shumë projekteve në Shqipëri dhe Itali në fushën e ndërtimit.
Kona është i specializuar në projektimin dhe zbatimin e Ndërtimin e Rrugëve dhe veprave të artit, ndërtimet industriale dhe ndërtimin e hidrocentraleve. Deri në vitin 1989 Kona ka punuar si projektues në institutin e materialeve të Ndërtimit në Tiranë. Pas vitit 1991 ai ka nisur të punojë për kompani të njohura italiane në fushën e ndërtimit. Deri në vitin 2008, Maksim Kona ka punuar në kompani të njohura italiane në fushën e projekteve duke arritur nivelet më të larta të drejtimit.
Në vitin 2009 dhe në vazhdim emërohet Drejtor i Drejtorisë së Projekteve në Bashkinë e Kavajës.
Në karrierën profesionale ka më shumë se 35 projekte të rëndësishme urbane dhe industriale që mbajnë firmën e inxhinierit Maksim Kona.
Kona është një nga inxhinierët që tërësisht me iniciativën personale ka kryer mjaft studime dhe projekte për zhvillimin e zonës së Kavajës. Kona njeh shumë mirë gjuhën italiane dhe atë angleze.
