Policia e Shtetit ka vënë në pranga mbrëmjen e djeshme Redi Popescun, pronarin e barit në ish-Bllok ku ndodhi përplasja e rëndë me armë. Ai ka qenë i pranishëm gjatë përplasjes me armë, në ambientet e lokalit në pronësi të tij.
Më tej është shoqëruar në polici për t’u marrë në pyetje, dhe për të dhënë versionin e tij të ngjarjes. Burimet zyrtare raportuan pak çaste më parë se ai është arrestuar.
Ai akuzohet për prishje të provave dhe dëshmi të rreme, me qëllim fshehjen e ngjarjes.
Gazetari i kronikës, Flamur Vezaj, me anë të një statusi në rrjetin social, ka ndarë me miqtë e tij të dhëna tronditëse. Ai thotë se Redi Popescu jo vetëm që nuk ka rrëfyer të vërtetën, por dyshohet se ka favorizuar Ervis Martinajn.
Ai shton se ka fshehur armët dhe me e rëndësishmja është se janë siguruar prova se është përfshirë në ngjarje.
Kjo ngjarje e cila ka marë përmasa të mëdha, është ende duke u hetuar nga drejtuesit e policisë. Gazetari ka të dhëna se Drejtori i Pergjithshëm i Policisë, Ardi Veliu, është angazhuar duke ndjekur nga afër mbarëvajtjen e hetimit.
Kjo lëvizje vjen pas zërave që qarkullojnë për pengim të zbardhjes së të vërtetës. Flamur Vezaj shkon më tej duke theksuar se ka informacione se disa drejtues të Policisë të Tiranës, dhe ish-zyrtar të policisë, po tentojnë të manipulojnë e prishin provat.
Statusi i Flamur Vezaj
“Arrestohet Redi Popescu, pronari i dyqanit/lokalit “Monopol” në zonën e ish-Bllokut, ku u vra një person dhe dy të tjerë u plagosën (të tretin akoma nuk po e gjen policia)!
Ndaj Popescut fillimisht janë ngritur dyshime për akuzat e “vrasjes” dhe “deklarimit të rreme”. Pasi janë zbuluar prova që e implikojnë atë në ngjarje. Dhe mendohet se ka mashtruar prokurorët e policinë gjatë marrjes ne pyetje!
Mendohet se Popescu përveçse nuk ka treguar të vërtetën e ngjarjes, shkakun, emrat e personave të përfshirë, dyshohet se ka favorizuar Ervis Martinajn. Ka fshehur armët dhe me e rëndësishmja, është se janë siguruar prova se është përfshirë në ngjarje!
Burimet nga policia (jo të paguarit nga borderoja e Martinajt) më thonë se vetë Drejtori i Pergjithshem i Policisë Ardi Veliu, është angazhuar duke ndjekur nga afer mbarëvajtjen e hetimit. Dhe përfundimin e akt-ekspertimeve laboratorike. Pas zërave se disa drejtues të Policisë të Tiranes dhe ish-zyrtar te policisë, po tentojne të manipulojne e prishin provat. Etj, etj…/Do kete akoma/
V.O. Komandoja paska qenë në hall i shkreti”, përfundon ai.
Policia ka ngritur pista të shumta hetimi, për të zbardhur këtë ngjarje.
https://tiranatoday.com/zbardhet-deshmia-e-pronarit-te-lokalit-ku-ndodhi-e-bllokut/
