Një person është vrarë me armë zjarri në qytetin e Korçës. Ngjarja ka ndodhur në periferi të qytetit në një zonë tejet të banuar. Mësohet se viktima, mashkull rreth të 30-ave ka humbur jetën rrugës për në spitalin e Korçës, ku po transportohej menjëherë pas ngjarjes. Dyshohet se para ngjarjes, ka patur sherr në një lokal mes viktimës dhe autorit.
Ndërkohë forca të shumta policie ndodhen në vendin e ngjarjes në periferi të qytetit të Korçës, të cilat po punojnë për zbardhjen dhe identifikimin e rrethanave të ngjarjes.
“Pak minuta më parë, rreth orës 21:25, në lagjen nr 10 në Korçë, është vrarë dyshohet me armë zjarri një shtetas rreth 30 vjeç, ende i paidentifikuar.
Dyshohet se ngjarja ka ndodhur pas një konflikti që viktima ka pasur me autorin e ngjarjes.
Grupi hetimor po punon për zbardhjen e rrethanave të ngjarjes, identifikimin dhe kapjen e autorit”, njofton policia.
