Përballja mes Khabib Nurmagomedov dhe Conor McGregor mori një vëmendje të madhe falë shfaqjeve që dhuronte para publikut irlandezi. Rusit iu desh të duronte për disa muaj me radhë shumë sulme dhe ofendime të ndryshme gjatë muajve të fundit, por ishte ai që qeshi i fundit.
Luftëtari rus ka mposhtur Conor McGregor në raundin e katërt duke ruajtur titullin kampion. Ai i kishte premtuar irlandezit se do t’i fliste gjatë ndeshjes në kafaz, dhe të dy kanë shkëmbyer fjalë gjatë gjithë kohës.
Por biseda më interesante ka qenë ajo që u zhvillua në fund të raundit të tretë. Pasi arbitri Herb Dean i ndan, tifozët mendojnë se Conor i ka thënë se “është vetëm biznes”, me Khabib që duket t’i ketë thënë “epo mesa duket”.
Për Conor mund të ketë qenë vetëm biznes, por Khabib e ka marrë shumë personale. Ajo mënyrë e të shprehurit, sikur donte të justifikonte sjelljen e tij. Rusi ka duruar shumë gjatë muajve të fundit, pasi është ofenduar nga familja dhe feja. Dhe pas raundit të tretë duket t’i thotë “ku e ke gojën tani.” Kjo ndeshje padyshim që ka gjeneruar të ardhura shumë të mëdha për të dy luftëtarët dhe kjo ishte meritë e Conor McGregor.
