Shqiptari i vrarë 4 ditë më parë me 3 plumba pas koke në Ekuador është ekzekutuar nga një tjetër shqiptar. Sipas të dhënave thuhet se Ilir Hidri dyshohet se është vrarë pasi prej disa kohësh ai ishte inflitruar në një rrjet të trafikut të kokainës nga Amerika Latine në Evropë e Shqipëri.
Sipas hetimeve paraprake rezulton se 40-vjeçari kishte shkëmbyer informacion me policitë e disa vendeve për një sasi të madhe kokaine që do vinte në Evropë.
Hidri qëndronte në Ekuador prej 3 muajsh ndërsa më parë kishte qenë në Evropë e Amerikë.
Burime për “Report Tv” nga Interpol sqarojnë se Policia e Ekuadorit ka identifikuar autorin nga pamjet e kamerave të sigurisë.
Hidri ishte me rezidencë ne qytetin e Vorës ndërsa ka qenë i dënuar më parë për trafik droge nga Amerika Latine në Evropë.
Për zbardhjen e vrasjes së Hidrit janë angazhuar një serë agjencish ligjzbatuese.
