Pas krimit makabër, Policia e Tiranës ka përcjellë të dhënat e para, ku një djalë 31-vjeçar i mori jetën një 19-vjeçareje. Pasi ka qëlluar me armë vajzën që donte, ai më pas ka vrarë dhe veten.
Ky rast ka ndodhur në rrugën “Eshref Frasheri”. Autori i identifikuar me inicialet Xh.M, 31-vjeç, ka qëlluar me pistoletë në drejtim të shtetases me inicialet Xh.Ç, 19-vjeç, dhe sapo ka parë që po vinte policia në drejtim të tij, ka qëlluar më pas veten.
Ai tashmë ndodhet në spital, ndërsa bluzat e bardha thonë se është në gjëndje të rëndë për jetën.
Informacion paraprak
“Më datë 08.06.2018, rreth orës 08:10, në zonën e Don Boskos, ne rrugen “Eshref Frasheri”, shtetasi Xh.M., 31-vjeç, dyshohet se ka qëlluar me armë zjarri pistolete shtetasen Xh.Ç., rreth 19-vjeçe, e cila ka ndëruar jetë në vendngjarje.
Autori më pas ka qëlluar dhe veten me armë zjarri, ku aktualisht është transportuar ne spital, ne gjendje te rende per jeten. Grupi hetimor ndodhet në vendngjarje, dhe po punon për zbardhjen e rrethanave dhe shkaqeve të ngjarjes”.
