Policia e Tiranës, ka përcjellë të dhënat e para në lidhje me krimin e trefishtë që ka ndodhur në orët e para të ditës. Ngjarja e rëndë është shënuar në orën 06:56, në Astir, në rrugën “Kristaq Mone”.
“Sot rreth orës 06:56, në Astir, në rrugën “Kristaq Mone”, janë gjetur në banesë të vrarë me armë zjarri shtetasit B. M., 63 vjeç dhe Xh. M., 52 vjeçe.
Poshtë ballkonit të banesës së shtetasve B. M., dhe Xh. M., është gjetur i dëmtuar dhëndëri i tyre, shtetasi M. L., i cili është transportuar për ndihmë mjekësore në spital, ku dhe ka ndërruar jetë”, bën me dije policia, nga të dhënat paraprake.
Nga ana e uniformave blu, po punohet për sqarimin e plotë të rrethanave të ngjarjes.
