Kryetari i LSDM-së, Zoran Zaev, i cili mbeti i plagosur nga dhuna e protestuesve në Kuvend, i ftuar në emisionin “Top Tema” është shprehur se Veljanoski ka afat deri të martën, për t’i dorëzuar detyrën kryetarit të ri të Kuvendit, Talat Xhaferi.
Ai shtoi se LSDM-ja kërkon qetësisht të zgjidhen problemet.
“Deri më tani treguam se ekzistojnë shumë mënyra alternative që nuk shprehin dhunë. Kryeparlamentari i ri do të njoftojë Ivanovin se është zgjedhur në krye të kuvendit dhe do t’i kërkojë mandatin për shumicën parlamentare, do ketë në dispozicion 10 ditë. Unë nuk e di se Ivanov beson që në mënyrë legale të ndajë mandatin, ai vet e di se derisa pranon letër nga kreu i kuvendit ka thënë që do e ndajë mandatin”, ka thënë Zaev, duke shtuar se dhuna e mbrëmshme ka, si fajtor, VMRO-në.
“Pa dhunë, me durim dhe përmbajtje, unë do doja që nesër edhe pse është e shtunë, Trajko Veljanovski të thërrasë Talat Xhaferin dhe të bëj dorëzimin e funksionit të krye parlamentarit. Me gjasa do të ndodhë të martën, do ndodhë sepse kemi dhënë 31 ditë. E kanë ditur se shumica do zgjedhë kryetar kuvendi, kemi pritur me shumë vëmendje në fund dhe e bëmë në mënyrë shumë të qetë. 11 vite jemi në opozitë, tani presim që shumica të bëj qeverinë, qytetarët nuk mund të presin. Në derë trokasin përmbaruesit, duhet të paguhen pagat, subvencionet dhe kreditë”, ka përfunduar deklaratën e tij Zaev.
