Zoran Zaev, lideri i LSDM-së, ka dalë para pak minutash në një deklaratë për mediat pas dhunës së mbrëmshme.
Zaev u shfaq me shenja dhune në fytyrë, për të cilat bëri përgjegjës presidentin e vendit, Ivanov.
Ngjarjen e mbrëmshme, Zaev e cilësoi një tentativë për vrasje, ndërsa shtoi se një nga dhunuesit ishte pjesëtar i policisë.
“Ajo që ndodhi mbrëmë ishte tentim për vrasje, kishit rastin ta shihni edhe vetë. Ishte një veprim i koordinuar edhe nga forcat policore”, tha Zaev.
Në mbyllje, Zaev uroi Xhaferin për postin e kreut të Kuvendit, ndërsa deklaroi se nuk do t’i përgjigjet ftesës së Ivanovit, duke e cilësuar atë si përgjegjës për atë që ndodhi mbrëmë, brenda dhe jashtë Kuvendit.
