Ish-ministri i Drejtësisë, Ylli Manjani vë në diskutim nëse Kushtetuta e lejon vetëemërimin e kryeministrit Edi Rama si ministër i Jashtëm.
Duke e sqaruar se ky është një interpretim i lirë që ai i bën dy neneve të Kushtetutës, përkatësisht neneve 95 dhe 103 të saj.
“Neni 103 e ndalon specifikisht ministrin të kryejë funksione të tjera. Pra vërtetë Kryeministri nuk ndalohet të jetë ministër, por ministri nuk mund të jetë njëkohësisht edhe Kryeministër”, sqaron Manjani, duke shtuar se i takon Presidentit, Kryeministrit dhe Parlamentit që të bëjnë intepretiin e duhur.
Ndërkohë në facebook për këtë çështje ai ka shtuar: “Ky ka qenë një diskutim i gjatë gjatë hartimit të këtyre neneve të Kushtetutës dhe u shkrua kështu pikërisht për të ndaluar këtë propozim që bën sot Edi Rama. Kuriozët mund ta gjejnë këtë informacion në zbardhjen e debatit për hartimin e Kushtetutës, që është një zbardhje e regjistrimeve të mbledhjeve të Komisionit Shtetëror për Hartimin e Kushtetutës,” deklaroi Manjani për emisionin “Open”.
