Para pak kohësh u publikuan emrat e artistëve që do të performonin në skenën e edicionit të 20-të të Këngës Magjike. Por, një nga zërat më të mirë, duket se nuk do jetë pjesë e kësaj skenë.
Ylli Limani është tërhequr nga gara, edhe pse ishte hera e parë që merrte pjesë në këtë festival.
Sipas “Prive”, producentët e këngës kanë vendosur të ndërpresin pjesëmarrjen pasi kënga mund të “eklipsohet” në mesin e një gare të fortë me emra të njohur të skenës.
Anabel kontaktoi me Yllin, i cili tha se “po, nuk do të jem pjesë”. I pyetur mbi arsyet që çuan në një vendim të tillë, këngëtari u shpreh se “nuk ka arsye të mëdha, thjesht e ndjeva dhe u tërhoqa.”
