Situata e vështirë që po kalon Borusia Dortmund, po jep ndikimin edhe tek lojtarët. I pari që po mendon largimin që në merkaton e janarit është sulmuesi nga Gaboni, Pierre-Emerick Aubameyang.
Raporti i tij me shokët e skuadrës, trajnerin dhe drejtuesit duket se kanë arritur në ekstrem dhe kriza e rezultateve të ekipit gjerman, sigurisht që nuk e nxit të qëndrojë. Ai ëndërron një rikthim te Milani, ndërsa kuqezinjtë e dëshironin që prej merkatos së verës, por tratativa nuk është aq e thjeshtë për t’u realizuar. Sulmuesi nga Gaboni ka përfunduar tashmë edhe në radarët e klubeve të tjera elitare të Europës.
Aubumeyang duket se nuk është një lojtarë i disiplinuar tek Dortmund dhe se në stërvitje paraqitet vazhdimisht me vonesë, por shpeshherë sjell në qendrën stërvitore familjarë dhe miq të tij. Sjellje këto që, jo vetëm drejtuesve, por as shokëve të tij të skuadrës duket se nuk u kanë pëlqyer.
Ndërkohë, pas ndeshjes më befasuese të Bundesligës, derbit me Schalken të cilin ishin duke e fituar 4-0 por në fund rezultati shkoi në 4-4, portieri i Dortmundit, Weidenfeller pranoi publikisht se kthesa për keq e asaj ndeshjeje kishte nisur me kartonin e kuq të Aubameyang. Ai mungoi edhe në transfertën e Stuttgart ku verdhezinjtë u mposhtën.
