Ai shpërtheu tek kuqezinjtë dhe shumë shpejt u bë më i kërkuari në Europë, një shkëlqim që nuk zgjati shumë për shkak të dëmtimeve dhe sot luan në Kinë. Bëhet fjalë për Alexandre Pato, yllin brazilian që para disa vitesh ishte lojtari më i mirë në qarkullim. Pas largimit nga Milan, Pato ka provuar disa eksperienca të ndryshme por akoma nuk ka gjetur formën e lartë.
Pas ndeshjes së madhe të lamtumirës së Pirlos në “San Siro”, Pato ka një mesazh për Milan, në një deklaratë për “Gazetta dello Sport”: “Pronarët janë nga Kina dhe unë kam krijuar një lidhje me ta. Pastaj dihet që jam i dashuruar me Milan dhe qytetin e Milan, nuk mund t’i them kurrë “jo” mundësisë për t’u rikthyer në “San Siro”.”
Emri i sulmuesit brazilian, si një përforcim për kuqezinjtë, ka nisur që qarkullojë në ditët e fundit: “Unë kam edhe një vit kontratë këtu në Kinë, por në futboll kurrë nuk mund të thuash kurrë. Nëse shoku im Gattuso do të më telefonojë për të më këshilluar ndonjë sulmues, unë do t’i jap emrin tim, padyshim…”
28-vjeçari Pato ka luajtur me Milan nga janari 2017 deri në janarin 2013 duke koleksionuar 51 gola në 117 ndeshje të luajtura në të gjitha veprimtaritë. Aktualisht ai luan me Tianjin Quanjian në Kinë, ku në 27 ndeshje ka shënuar 17 gola.
