Ajo është një pyetje që i ndanë në gjysmë tifozët në të gjithë botën, të dy janë yje dhe futbollistët që kanë fituar të gjitha çmimet individuale në 10 vitet e fundit. Bëhet fjalë se kush është më i miri, Lionel Messi apo Cristiano Ronaldo?
Së fundmi është përpjekur ti japë përgjigje kësaj pyetje edhe një tjetër futbollist i talentuar, Carlos Tevez, që gjatë karrierës së tij ka pasur fatin t’i ketë të dy shokë ekipi. Tashmë 34-vjeç argjentinasi aktivizohet në radhët e Boca Junior. Teves u shpreh: “Nuk e kam parë kurrë Leo Messi-n të stërvitjet në palestër, ashtu si nuk e kam parë kurrë të qëndrojë pas stërvitjes për të bërë një punë ekstra, si ndodh ndonjëherë me të gjithë futbollistët. Ai është stërvitur vetëm për penalltitë. Më parë as nuk dinte të gjuante, ndërsa tani është i saktë.”
Kjo është arsyeja përse Tevez pëlqen Ronaldo-n: “Cristiano ndalej gjithmonë në palestër dhe stërvitja e tij zgjaste gjithë ditën. Ai e ka fiksim të jetë më i mirë në botë dhe unë them se ia ka dalë. Ronaldo stërvitet që nga mëngjesi deri në darkë. Gjithmonë ishte i pari që vinte në stërvitje. Një ditë shkova te klubi i Manchester, përgjumësh, që në orën 07:00, që të isha i pari, edhe pse stërvitje niste në 09:00. Por nuk isha i pari. Atje gjeta Ronaldo që po vishej…”
