Gjykata e Krujës ka lënë në fuqi vendimin e marrë këtë të shtunë për arrestimin e djalit të deputetit Rrahman Rraja, Rexhep Rraja, nën akuzën e dhunës ndaj Xhisiela Malokut.
Djali i deputetit të PS, u arrestua ditën e diel, në afërsi të Rinasit dhe mbi të rëndon akuza e “Përndjekjes”. Vendimi i marrë ndaj tij, ka sjellë edhe një reagim nga ana e Xhisielës, e cila justifikon mungesën e saj, me akuzat që mund të hidhen për kërcënim. Po kështu ajo në mesazh nënvizon se i qëndon besnike deklaratave të dhëna, dhe se do ta mbështesë ish të dashurin e saj deri në fund. Në fund ajo hedh shashkën e radhës, se masa e caktuar ndaj tij ishte politike.
Mbrëmjen e djeshme, në emisionin “Opinion” në “Tv Klan”, Xhisiela Maloku “tronditi” mbarë opinionin publik, kur tha se nuk e ka kërcënuar asnjë njeri, dhe e gjithë historia e dhunës dhe kërcënimeve është zmadhuar dhe ekzagjeruar në mënyrë ekstreme.
Ajo tha se nuk është kërcënuar kurrë dhe se denoncimin për Rexhep Rrajan e ka bërë nga xhelozia. Ky i fundit akuzohet për ushtrim dhune dhe përndjekje të ish-të dashurës së tij, 25-vjeçares Xhisiela Maloku.
https://tiranatoday.com/xhisiela-terbohet-ne-video-live-ne-instagram-hakmerret-ndaj-ndjekesve-nuk-bej-asgje-per-leke/
