Trajneri i Stoke Cityt, Paul Lambert, e ka lartësuar Xherdan Shaqirin duke e quajtur lojtar të klasit botëror pas performancës që kosovari i Zvicrës ofroi sot në barazimin 1-1 ndaj Leicester Cityt në Premierligë.
Shaqiri e kaloi skuadrën e vet në epërsi me një gol fantastik duke goditur si rrallë herë me këmbën e djathtë nga distanca.
Megjithatë, ai gol nuk mjaftoi për t’ia siguruar tri pikë Stoke Cityt, pasi Leicester arriti ta barazonte rezutaltin në 1-1.
“Siç kam thënë edhe më parë ai [Shaqiri] është vërtet lojtar i klasit botëror dhe ishte i pafat me vizionin e tij në pjesën e dytë. Ai bën që gjërat të ndodhin. Fatmirësisht ai po luan shumë mirë, që është fantastike për ne”, është shprehur Lambert për Sky Sports.
