Granit Xhaka është rikthyer të flasë për eksperiencën në Botërorin e Rusisë me Zvicrën, i cili u shoqërua me shumë polemika. Ylli i Arsenal ka folur pikërisht për ndeshjen me Serbinë, ku ai shënoi dhe festoi duke bërë shqiponjën me duar. Zviceranët në atë sfidë ishin fantastikë dhe e fituan 2-1 në minutat e fundit me gol të Shaqirit, por më pas u eliminuar nga Suedia.
“Nga një anë jam krenar për arritjen, por nga ana tjetër nuk arritëm dot objektivin tonë. Suedia ishte një kundërshtar i vështirë, por ne duhet t’i kishim mundur.” – u shpreh Xhaka.
Festimi me “shqiponjë” – “Ato që u diskutuan pas ndeshjes me Serbinë më zhgënjyen shumë. Ishte një takim i mbushur me emocione. Pasi arbitri i ra bilbilit në fund të ndeshjes, Botërori për Zvicrën mori fund. Nuk u fol më aspak për futboll. Gjërat u ekzagjeruan dhe jam shumë i sigurt se nga ato që u thanë dhe u shkruan patën një ndikim te skuadra.”
