Kreu i Kuvendit, Talat Xhaferi dëshmoi për dhunën që u zhvillua në Parlamentin e Maqedonisë rreth një vit më parë. Xhaferi doli nga gjykata pas 2 orë e gjysmë dhe nuk pranoi të prononcohet për mediat.
Gjatë dëshmisë, Xhaferi tha se ne sallën e mediave në Parlament, natën e 27 prillit ka dëgjuar protestuesit duke thënë “Me Selen përfunduam, tani është radha juaj, tradhtarë, shitës te shtetit etj”. Ai gjithashtu pohoi se ka pasur të shtëna me armë zjarri nga sigurimi i Oliver Spasovkit, por Xhaferi theksoi se ai ka shtënë në drejtim të murrit të lartë me qellim që të frikësojë protestuesit. Xhaferi tha se nuk i ka pare sulmuesit e Seles.
Ai identifikoi pesë persona, të cilit kishin marrë pjesë në sulmet ne Parlament më 27 prill të vitit të kaluar.
Ai i njohu Stojan Pavlevskin, Andrej Micovin, Nikollçe Dimitrievskin, Kire Gjorgjievskin dhe Oliver Oshakovskin. Xhaferi theksoi se ata mes të parëve kanë hyrë në pres-qendrën e Kuvendit të Republikës së Maqedonisë dhe i kishin sulmuar deputetët.
Paraprakisht, Xhaferi, i cili sot në Gjykatën Penale dëshmoi për sulmin ndaj liderit dhe deputetit të Aleancës së Shqiptarëve, Ziadin Sela në Parlament me 27 prill tha se personat të cilët kanë hyrë në Kuvend dhe pres-qendrën e Kuvendit janë kërcënuar se do t’i mbysin të gjithë dhe askush nuk do të dalë.
Seanca gjyqësore ku po dëshmojnë 3 dëshmitarë, ka filluar qe ne orën 10 dhe pritet te zgjasë edhe disa ore, deri ne përfundim të dëshmive të Kiracovskit dhe Mancevskit.
