Wozniacki mposht numrin 1 dhe fiton grand slemin Australian Open

Grand slemi Australian Open është trofeu i parë i madh i fituar nga tenistja daneze, Caroline Wozniacki, e cila mposhti 2-1 (7-6, 3-6, 6-4) në finale rumunen Simona Halep. Një përballje shumë e fortë që ku rivaliteti ishte i pritshëm mes numrit 1 dhe 2 të botës, por triumfoi kjo e fundit. Ndeshja dhuroi mjaft emocione, dy teniste që e ndjenë shumë lodhjen e një aktiviteti të tillë të gjatë, duke bërë që të kërkonin edhe ndihmën e stafit mjekësor gjatë finales. Sfida zgjati 2 orë e 50 minuta, me tenistet që deri në fund kërkuan t’i rrëmbejnë “game” me shërbimet e rivales, por edhe gabuan shumë, duke bërë që gjithçka të vendoset në setin final.

Seti i parë ishte më i forti, ku gjithçka shkoi në barazim pasi tenistet fituan pikë që në nisjen e topit dhe në “tie break”, Wozniacki ishte më e saktë dhe arriti ta mbyllte me fitore. Në të dytën loja ndryshon kah, pasi Halep fiton “game” edhe kur topat nisen nga kundërshtarja dhe triumfon 6-3, duke barazuar në 1-1 rezultatin e seteve. I ekuilibruar edhe seti final, me Wozniacki që e nis më mirë, duke u shkëputur, por Halep nuk heq dorë dhe gjithçka vendoset në fund, me danezen që fiton 6-4, duke qenë më e freskët në fushë në pikët e fundit dhe përfituar nga gabimet e rivales rumune.