Wenger: Një lëvizje e madhe do të ndodhë brenda 24 orëve

Shkëmbimi mes Arsenal dhe Manchester United ka marrë një interes të gjerë në ditët e fundit, pasi agjenti i armenit Mkhitaryan ka deklaruar se nuk është i bindur për këtë lëvizje. Bëhet fjalë për shkëmbimin mes Sanchez të “topçinjve” dhe Henrikh Mkhitaryan. Trajneri i Arsenal, Arsen Wenger ka folur për herë të parë për këtë lëvizje dhe është shprehur optimist se kjo lëvizje do të bëhet dhe mund të finalizohet bren 24 orëve të ardhshme. Ai po ashtu ka deklaruar se i pëlqen shumë armeni dhe se kërkesa e tij financiare është lehtë e përballueshme nga Arsenal. “Kam 30 vjet që merrem me menaxhimin e lojtarëve dhe mendoj se ky transferim do të ndodhë edhe pse gjithçka mund të ndodhë”, tha Wenger për “Sky Sports”.

Wenger ka pranuar se Mkhitaryan është pjesë e marrëveshjes, që do të çojë në transferimin e sulmuesit kilian Alexis Sanchez nga Arsenali te United. “Unë e pëlqej atë lojtar. Kam luajtur disa herë kundër tij, si në Premier ashtu dhe kur ka qenë me Durtmundin, ndaj i vlerësoj aftësitë e tij”, tha Wenger, që duket se brenda 24 orësh do t’i japë lamtumirën Sanchez, që ka vendosur të luajë me United, ku do të paguhet 350 mijë stërlina në javë. “Bëra maksimumin për ta mbajtur kilianin, por ishte e pamundur”, u shpreh trajneri francez.