Padyshim që komentet e Wanda Nara në emisionin “Tiki Taka” nuk lënë askënd indiferent. Deklarata e gruas së Mauro Icardi ku u shpreh se: “Mauro ka shënuar pothuajse sa Cristiano Ronaldo (6-7), pavarësisht se ai ka munguar në 3 ndeshje në kampionat. Do të doja ta shihja Ronaldon në stol ashtu siç ndodhi me Icardin ndaj Genoas, teksa ekipi i tij shënoi 5 gola dhe ai mund të kishte bërë 3” , bëri bujë të madhe.
Bukuroshja Nara gjithashtu mohoi zërat për një marrëdhënie të keqe mes Messit dhe Icardit.
“Ata janë rritur së bashku te Barcelona. Icardi ka kujtime të mrekullueshme nga ato vite të mëparshme me të rinjtë e katalanasve dhe me Messin. Mes tyre ka edhe një miqësi të bukur, kur kemi qenë në Barcelonë, ne jemi bashkuar me më shumë miq”, shtoi ajo.
Ndër të tjera argjentinasja mohoi edhe faktin se kishte marrë ofertë nga PSG: “Unë nuk kam marrë asnjë thirrje nga ekipi francez” përfundoi gruaja dhe agjentja e sulmuesit të Inter.
