Tashmë Wanda Nara doi të jetë edhe analiste futbolli në emisionin “Tiki Taka” në Mediaset. Agjentja dhe bashkëshortja e Mauro Icardit në daljen e parë në emision ka folur për një sërë çështjesh mjaft të komentuara në media, por ajo që ka pasur më shumë interes ishte kontaktet që ka pasur kapiteni i Interit me Juventusin. Po ashtu ajo ka zbulkuar se napoli ka bërë një ofertë zyrtare për të tek zikatërit , por që Mauro e ka refuzuar menjëherë.
“Është e qartë se do të ketë oferta për një sulmues si Mauro, por zgjedhja e tij ishte e qartë që nga fillim. Juventusi e vëzhgoi atë, por Cristiano Ronaldo ishte objektivi i tyre kryesor për Champions League, kontakti i vetëm që Icardi ka pasur me Juventus janë 7 golat që iu ka shënuar. Unë bëj punën time, nëse klube të tjera më telefonojnë, atëherë unë iu përgjigjem, por vendimi përfundimtar është gjithnjë i Mauros.
Presidenti i Napolit Aurelio De Laurentiis? E takova, ai është një person shumë i mirë. Ne folëm për pak gjëra, por Icardi vendosi të mos largohet. Ai bëri një ofertë në drejtim të Interit, por Mauro e refuzoi.”
Kujtojmë se argjentinasi u fol edhe për një transferim tek Real Madrid si pasuesi i Cristiano Ronaldos, por që nuk u arrit asgjë konkrete pasi sulmuesi mori vendimin të qëndrojë me zikaltrit.
