Korçari Ilir Vrenozi, i cili ka kritikuar vazhdimisht kryeministrin Rama për mënyrën si po qeveris dhe po drejton vendin, nuk është solidarizuar me thirrjen e Berishës për të rrëmbyer armët.
Me anë të një statusi në rrjetet sociale, ai e nis rrugëtimin vite më parë që në vitet ’90. Po kështu ai kujton kohën kur ka qenë që në mitingun e parë në fund të dhjetorit të vitit ’90 në Korçë, ku ka ndjekur plot ëndje Berishën.
E po kështu ka ardhur edhe në mitingjet në Tiranë. E ndërsa tani ai duket se ka ndryshuar mendje. Ilir Vrenozi është i mendimit se e gjithë kasa politike është e dështuar. Mes rrjeshtat vihet re qartësisht se Vrenozi është i lodhur nga apelet për armë e për kryengritje.
Po kështu Ilir Vrenozi nuk e lë me kaq, duke e këshilluar Berishën që të japë dorëheqje nga politika, për një sërë arsyesh, pasi çdo gjë e ka një cikël.
