Përditësohen të dhënat në lidhje me arratisjen e Nikolla Gruevskit. Reagimi i radhës vjen nga presidenti serb, Aleksandër Vuçiç. Në një intervistë për mediat, Vuçiç ka folur për arratisjen e Gruevskit, nëpërmjet vendkalimit kufitar Horgosh (Serbi-Hungari).
“Gruevski më 12 nëntor, para orës 22:30, nëpërmjet vendkalimit kufitar Gostoun, me letërnjoftim ka hyrë në Serbi, ku më pas ka hyrë në Hungari nëpërmjet vendkalimit Horgos, ku është identifikuar me letërnjoftim dhe leje qarkullimi të marrë nga Shqipëria”, është shprehur ai.
Ai po kështu i është përgjigjur pyetjes se pse Gruevski nuk është ndaluar.
“Më 13 nëntor, në orën 19:35, Interpoli i Shkupit ka lëshuar urdhër-arresti ndërkombëtar.
Çfarë prisni ju?
Të arrestonim njerëz për të cilët nuk ka kërkim? Pse s’ka pasur një urdhër-arrest ndërkombëtar?”.
