Ndryshimi mes Barcelonës dhe Real Madrid në përballjen e ditës së sotme në Camp Nou ishte se: katalanasit mbeten skuadër e klasit botëror edhe pa Messin, ndërsa Real Madrid pa Ronaldon ishte një skuadër normale. Barcelona triumfoi me rezultatin e thellë 5-1 në El Clasicon e parë të sezonit dhe të gjithë janë në një mendje se ishte një fitore e merituar.
Një lojë e dominuar nga djemtë e Valverde, edhe pse Messi mungonte; një hat-trick nga Luis Suarez; Philippe Coutinho dhe Arturo Vidal gjetën rrjetën, por një moment shumë i veçantë u rrëmbeu vëmendjen tifozëve…
Në minutën e 83 kamerat u fokusuan te Ramos, i cili duket se nuk po i përmbante lotët, pasi rezultati shkoi në 4-1, moment që do të mbahet mend gjatë në historinë e “El Clasico”. Sergio nuk ka frikë të shprehë emocionet e tij kur “Los Blancos” fitojnë, por as edhe të qajë kur ekipi i tij po mundet.
https://twitter.com/jurgenholic/status/1056601842233135104
Një humbje e hidhur për Real Madrid që vjen pas një serie rezultatesh negative të ekipit këtë sezon dhe si për të vulosur gjithçka, fitorja e Barcelonës me rezultatin 5-1, është e vështirë për kapërdihet…
