Mediat në Serbi raportojnë se është vrarë me armë zjarri lideri i partisë SDP, Oliver Ivanoviç. Sipas raportimeve paraprake, Ivanoviç është vrarë përpara zyrës së tij në Mitrovicë. 
Ivanoviç u vra rreth orës 08: 15 në Mitrovicë të Kosovës. Avokati i Ivanoviç, Nebojsha Vlajic, i tha Blic se Ivanoviç, për fat të keq, nuk mundi ti mbijetojë lëndimeve.
“Ai dyshohet se ka vdekur në vend. Ai është qëlluar me 5 plumba. Ai u dërgua menjëherë në spital, mjekët u përpoqën ta rikthejnë në jetë, por nuk kishte shpëtim”, tha Vlajiç për Blic.
Policia e Kosovës nuk ka ende asnjë informacion në lidhje me këtë ngjarje. Oliver Ivanoviç ka qenë Sekretar i Shtetit serb për Kosovën dhe Metohinë nga viti 2008 deri në vitin 2012. TIRANA TODAY
