Jepet alarmi për një tjetër shqiptar të vrarë në burgjet greke. Është gazetari Shpëtim Zinxhiria ai që ka dhënë lajmin, teksa shprehet se vrasja ka ndodhur në burgun e Koridalos më 8/09/2018.
Më tej, gazetari shprehet se ngjarja po mbahet e fshehur nga autoritetet greke. Mësohet se viktima është shqiptari 31 -vjeçar F.I nga Vlora, i cili u vra në prag të lirimit.
E motra e viktimës kërkon të dijë rrethanat dhe arsyen e vrasjes së vëllait, si dhe pyet se përse hesht shteti shqiptar.
Ndërkohë, ende nuk dihet asgjë rreth identitetit të plotë të shqiptarit dhe rrethanave të vrasjes.
Viti 2018 la pas 16 shqiptar të vdekur në burgje apo të vrarë me armë zjarri në vendin fqinj.
