Dalin detaje të reja lidhur me krimin në familje të ndodhur dje në Ballsh, ku Gazment Musta vrau të shoqen dhe kunatën. Në momentin e krimit, autori ka qenë i dehur. Një ditë pas krimit të rëndë, ai ka dhënë dëshminë para grupit hetimor.
34-vjeçari është shprehur se nuk e lejoi gruan që të shkonte te prindërit e saj për Vitin e Ri, pasi nuk kishte marrëdhënie të mirë me vjehrrin dhe vjehrrën.
“Ajo më kërkoi që të shkonte te prindërit, por nuk e lejova, pasi nuk shkoja mirë me ata,” mësohet se ka thënë autori.
Mësohet se autori ka qenë te prindërit e tij në fshatin Drenovë për festat dhe kur u kthye gjeti në banesë gruan dhe kunatën, e cila kishte ardhur që të merrte motrën për të shkuar te prindërit.
Kërkesa e 31-vjeçares u refuzua Musta, i cili kishte vetëm dy ditë që kishte ardhur nga Greqia. Pas sherrit, Musta e goditi gruan Gentiana Çaushaj me thikën e bukës disa herë duke e lënë të vdekur, ndërsa kunata Merisa Caushaj 18-vjeçe ndërhyri për të shpëtuar motrën, por mbeti po ashtu e vdekur teksa qëlloi edhe kunatën me thikë.
