Shpëtim Ziza, i dënuari me burgim të përjetshëm pasi përdhunoi dhe vrau 10 vjeçarin Besim Cenga në vitin 2007, i ka vënë ditën e sotme flakën qelisë.
Sipas “News 24”, i burgosuri ka marrë lëndime në trup dhe është transportuar në spital, ndërsa ndodhet nën kujdesin e shërbimit mjekësor.
Kujtojmë se 10-vjeçari Besim Çenga u zhduk pa gjurmë më 23 tetor të 2007-ës. Ndërkaq, trupi i tij u gjet në një përrua afër fshatit Tomin të rrethit të Dibrës, 7 km larg Peshkopisë 5 ditë pas zhdukjes.
Ziza, i cili njihet ndryshe si “monstra i Peshkopisë” e ka pranuar krimi, duke pohuar se e kishte përdhunuar vogëlushin dhe më pas e kishte mbytur atë me lidhëse këpucësh.
Sipas vendimit të gjykatës, Shpëtim Ziza kishte mashtruar 10-vjeçarin duke e ftuar të shkonte me të për të luajtur, ndërsa prej 5 ditësh fëmija nuk ishte kthyer në shtëpi.
