Ish-efektivi i policisë, Arben Bilali, i cili 9 vite më parë i mbijetoi një prite, sot nuk ia ka dalë dot. Historia që ka nisur shumë vite më parë mes djemve Bilali dhe një grupi mjaft të njohur në Tiranë, duket se nuk ka pranuar të shuajë hakmarrjen. Çdo gjë e mirëmenduar ka përfunduar me një bilanc tragjik, ku gjatë mesditës është qëlluar me breshëri në mes të Tiranës, 50 vjeçari, Arben Bilali.
Me anë të në deklarate të shkurtër për mediat, blutë e Tiranës bëjnë me dije se kanë rrethuar zonën, dhe po punojnë për kapjen e autorit të vrasjes, ndërkohë që ende nuk dihet se sa persona kanë marrë pjesë në vrasje. Bilalit i kanë ngritur kurth në një kafene në afërsi të rrugës ‘Irfan Tomini’, ndërkohë që të njëjtat burime shtojnë se ish-efektivi ka humbur jetën rrugës për në spital.
Po çfarë ka ndodhur në familjen Bilali 9 vite më parë? Atentati në maj ndaj viktimës së sotme dhe ezkektumi i të vëllait në 10 gusht të po atij viti. Të dhëna konkrete mbi vrasjen e ish-mundësit të njohur të Dinamos, Leonard Bilalit, djalit 33 vjeç, që ekzekutua me 4 plumba në lokal, në afërsi të vendit ku u vra sot Arbeni.
Arben Bilali ka qenë i dyshuar rreth 11 vite më parë për një vrasje, por që policia dhe prokuroria kurrë nuk ia vërtetuan. Pas ekzekutimit të të vëllait, u tha se policia e kishte identifikuar vrasësin, por që kurrë nuk u vu në pranga.
