Policisë i është dashur 48 orë që të kuptonte se bëhej fjalë për një vrasje, ku vëllai vrau të dashurin e motrës për çështje nderi. Detaje të reja ka përcjellë gazetarja e “Panorama”, Etleva Delia, e cila ka treguar dinamikën e ngjarjes. Në emisionin e Rudina Xhungës është diskutuar për ngjarjen e rëndë, ku gazetarja tha se kanë qenë disa fshatarë të zonës që kanë gjetur 34-vjeçarin e plagosur.
“Policisë i është dashur 48 orë që të kuptonte se bëhej fjalë për një vrasje. Tentativat për të fshehur ngjarjen dhe për ta çuar në spital, kanë sjellë vdekjen e 34-vjeçarit. Ai u gjet nga disa fshatarë të cilët e morën në shtëpi, dhe mundoheshin ta mbanin ngrohtë se kishte hemorragji”, është shprehur Delia.
Ndërkohë një detaj që është sjellë në vëmendje dhe në diskutim, ka qenë edhe vështirësia dhe problemet infrastrukturore që ka kjo zonë, duke bërë të pamundur lidhjen me Tiranën.
Gjithashtu Delia ka treguar se nga informacionet e marra nga banorët e zonës, është thënë se të dyja këto familje, janë në gjendje të dobët ekonomike.
